134

نسل پرستی و تعصب پر مبنی ویڈیوز پر یو ٹیوب کی پابندی

تحریک ویب ڈیسک

یو ٹیوب نے نسل پرستی اور تعصب پر مبنی ویڈیوز پر پابندی لگانے کا اعلان کر دیا، اس نئی پالیسی پر عمل درآمد آج سے ہو گا تاہم سسٹم میں مکمل فعالیت میں وقت لگے گا۔

پالیسی کی خلاف ورزی کرنے والوں کو یو ٹیوب پارٹنر پروگرام سے معطل کیا جائے گا۔

انتظامیہ کا کہنا ہے کہ عمر، جنس، نسل، خاندان، مذہب کی بنیاد پر تعاصب یا تفریق کا کوئی جواز پیش نہیں کیا جا سکتا۔

گزشتہ ماہ پیرس میں عالمی رہنماؤں نے آن لائن انتہا پسندی کے خاتمے کا مطالبہ کیا تھا۔

انتظامیہ کا کہنا ہے کہ نفرت انگیز تقاریر کے خلاف پالیسی سمیت یو ٹیوب ہمیشہ قوانین پر عمل پیرا رہی ہے۔

یو ٹیوب انتظامیہ نے مزید کہا کہ نفرت انگیز تقاریر کے خلاف پالیسی میں ایک اور اقدام اٹھا رہے ہیں، اگلے چند ماہ کے دوران بتدریج پابندیوں کا دائرہ کار بڑھایا جائے گا۔

اس پابندی کے بعد نفرت انگیز مواد چلانے والے چینلز یا دیگر monetization features پر اشتہارات نہیں چلائے جا سکیں گے۔

اس خبر پر اپنی رائے کا اظہار کریں