45

وزیراعظم کا دورۂ چین کے فوری بعد سعودی عرب جانے کا امکان

ویب ڈیسک

وزیراعظم عمران خان کا چین کےدورے سے واپسی کے بعد سعودی عرب کے اہم دورے پر روانہ ہونے کا امکان ہے۔

ذرائع کے مطابق وزیراعظم عمران خان کے دورہ سعودی عرب کے شیڈول کو حتمی شکل دی جارہی ہے۔

ذرائع کے مطابق چین سے واپسی پر عمران خان کے سعودی عرب اور ایران کے دوروں کا مقصد دونوں ممالک کے درمیان کشیدگی کو کم کرنے کےلیے کردار ادا کرنا ہے۔

ایران اور سعودی عرب کے تعلقات 14 ستمبر 2019ء کو سعودی عرب کی دو بڑی آئل فیلڈز پر حملےکے بعد سے کشیدہ ہیں۔

وزیراعظم عمران خان نے سعودی عرب کی قیادت سے اس معاملے پر بات چیت کی تھی، صدر ٹرمپ نے بھی انہیں ایران سے بات چیت کے لیے کہا تھا۔

عمران خان نے نیویارک میں ایرانی صدر حسن روحانی سے بھی اس موضوع پر بات چیت کی تھی۔

اس خبر پر اپنی رائے کا اظہار کریں